இயந்திர இரட்டையர்கள் | Eyanthira Eratayargal | Author - Abirami Eswari K

ஒரு பணக்கார பெண் தன் தந்தை மீது உள்ள கோபத்தில் தன் நண்பர்களுடன் சேர்ந்து வெளிநாடுகளில் சுற்றி திரிந்து கொண்டிருந்தாள். குடி போதைக்கு அடிமை ஆகி இருந்தாள். அதை பயன்படுத்தி அவள் நண்பர்கள் அவளை ஏமாற்றி பணம் பறித்து கொண்டிருந்தனர்... இதை தெரிந்துகொண்ட அவள் தந்தை அவளுக்கு மணம் முடிக்க எண்ணுகிறார். இந்த திருமணத்தை அவள் ஏற்பாளா... அவள் வாழ்க்கை சரியானதா... என்னடா இது இந்த கதைக்கும் தலைப்புக்கும் சம்மந்தமே இல்லாமல் இருக்குனு நீங்க நினைக்கலாம்.... அதற்கு பதில்

தெரிந்துகொள்ள வாசியுங்கள் பாக்கெட் நாவலில்...


சிறு வயதிலேயே தாயை இழந்த ஆனந்தி தாய் பாசம் கிடைக்காமல் ஏங்கி போய் இருந்தாள். தன் பணக்கார தந்தையிடம் அந்த பாசத்தை எதிர்பார்த்து அது கிடைக்காததால் விரக்தி அடைந்தாள். அந்த விரக்தியோடு கல்லூரி படிப்பை முடித்தாள். படிப்பை முடித்த கையோடு தான் நண்பர்கள் நால்வரை கூட்டிக்கொண்டு வெளிநாடுகளுக்கு பயணம் செய்ய தொடங்கினாள்.

அந்த பயணத்தில் அவளின் பணத்தை அனுபவிக்கும் ஆசை கொண்டு அவளை குடி பழக்கத்திற்கு பழக்க படுத்தினர். ஆனந்தி குடி போதையில் இருக்க அவளை பல வழிகளில் பாழ் பண்ண முயற்சித்து வந்தனர். ஆனந்தியின் தந்தை சோமசேகர் அவளிடம் நேரடியாக பாசத்தை காட்டாவிட்டாலும்  அவளை பாதுகாக்க ஒரு தனி குழுவை  ஏற்பாடு செய்து இருந்தார். 

அந்த குழு மூலம் ஆனந்திக்கு எந்த ஒரு பாதிப்பும் ஏற்படாமல் பார்த்து கொண்டார். இருப்பினும் அவள் வாழ்க்கை நல்லபடியாக அமைய  அவளுக்கு  ஏற்ற அதே சமயம் அவர் பணத்திற்கு ஆசைப்படாத ஒரு நல்ல மனது கொண்ட ஆண் மகன் வேண்டும் என நினைத்தார். 

.அப்பொழுது அவருக்கு நினைவு வந்தது அவர் சாமிராஜ்ஜியத்தின் முக்கிய பொறுப்பில் இருக்கும் அசோக் தான். எனவே அவர் அசோக்கிடமும் ஆனந்தியிடமும் திருமணத்திற்கு சம்மதம் வாங்க சில விஷயங்கள் தன் மருத்துவ நண்பர்கள் உதவியுடன்  செய்தார். 

ஆனந்தி தன் தந்தை மீது கோபத்தில் இருந்தாலும் அசோக்கிடம் அந்த கோபத்தை காட்டவில்லை. இந்த நிலையில் அசோக் ஆனந்தியின் நண்பர்கள் இருவர்  அவளுக்கு செய்த துரோகத்தை அவள் கண்முன் கொண்டு வந்தான். மற்ற இருவரும் அவளுக்கு ஆதாரவாக இருப்பது போல அவள் திருமணத்தை நிறுத்த சோமசேகரின் எதிரியுடன் சேர்ந்து திட்டம் தீட்டினார்கள். 

அசோக் இவர்களின் திட்டத்தை முறியடித்து ஆனந்தியை திருமணம் செய்து கொண்டான். அதே சமயம் சோமசேகரின் எதிரி ருத்திரன் செய்யும் இடைஞ்சல்களிலிருந்து ஆனந்தியை காப்பாற்ற முயற்சி செய்கிறான். ஆனந்தியை சுற்றி உள்ள துரோகத்தை அறிந்த அசோக் அவளை பாதுகாக்க இரண்டு மனித ரோபோக்களை பெண் பாத்துகாவலர் போலாம் வடிவமைத்து அவளுடனே இருக்குமாறு செய்தான். அந்த இரண்டு ரோபோக்கள் பாரு மற்றும் சாரு எவ்வாறு இவர்களுக்கு உதவுகிறார்கள் என்பதை அறிய பாக்கெட் நாவலில் வாசியுங்கள் இயந்திர இரட்டையர்கள்.