என் கொரிய தேச காதலன் | En Korea Thesa Kadhalan | Author - kowsalya

நீங்க எல்லாரும் எதிர்பாக்கிற இந்திய பெண் - கொரிய நாட்டு பையனோட காதல் கதை தான் இது. இந்த கதையில் காதல், நட்பு, நகைச்சுவை, எதிரிகள் என எல்லாமே இருக்கும்.இ-ஸ்போர்ட் எனும் ஆன்லைன் விளையாட்டில் தனக்கு இருக்கும் திறமையை உலகிற்கு உணர்த்த இ-ஸ்போர்ட்ஸ் பிரபலமான கொரிய நாட்டிற்கு செல்லும் இந்திய பெண் தான் நம் கதையின் கதாநாயகி. அங்கு தன் அணியின் கொரிய பயிற்சியாளர் மீது காதல் கொள்கிறாள். இவர்கள் காதல் வென்றதா? தன் திறமையால் லட்சியத்தை அடைந்தாளா!? என்பதை அறிய இந்த நாவலை வாசியுங்கள்....

This is a love story between an Indian girl and a Korean boy. Love, friendship, humor and enemies are all there in this story. The heroine of our story is an Indian girl who goes to Korea, a country famous for e-sports, to show the world her talent in an online game called e-sport. There she falls in love with the Korean coach of her team. Did they win love? Did she achieve her goal with her talent!?


இந்தியாவில் தெற்கு எல்லையில் உள்ள கன்னியாகுமரியில் சாதாரண நடுத்தர குடும்பத்தில் பிறந்த ஒரு பெண் தான் அதிதி. இவளே இக்கதையின் கதாநாயகி. தனக்கு வீடியோ கேமில் இருக்கும் அபார திறமையால் அதற்கு அங்கீகாரம் தரும் கொரிய நாட்டிற்கு பயணம் செய்ய முடிவெடுக்கிறாள். மோசமான குடும்ப சூழ்நிலை, கொரியாவிற்கு செல்ல அவள் இந்தியாவில் பட்ட கஷ்டங்கள் என அனைத்தையும் தாண்டி, ஒருவழியாக கொரியா செல்கிறாள். எத்தனை கவலைகள், புரளிகள், தொல்லைகள் என வந்தாலும் அத்தனையையும் சிரித்த முகத்துடன் நேர்மறை எண்ணங்களுடன் எதிர்த்து நிற்பவள்.  அங்கே வணிக ரீதியாக ஆன்லைன் கேமில் விளையாடும் பிரபலங்களில் அவளும் ஒன்றாகிறாள். அங்கே பயிற்சி பெறும் போது அவளது அணியின் பயிற்சியாளர் யுவான் மீதே காதல் கொள்கிறாள். யுவான் அதிதியை நேசித்தாலும் அவன் கண் பார்வை மற்றும் உண்மையில் காதல் பற்றிய அறியாமையால் அதிதியின் காதலை ஏற்க மறுக்கிறான். ஆனாலும் தன் காதல் மீது கொண்ட ஆழமான நம்பிக்கையால் யுவானை விடாது தொடர்ந்து தன் காதலை புரிய வைக்க பலவாறு முயற்சிக்கிறாள். இதற்கு இடையில் இவளது சொந்த குடும்ப சூழ்நிலையின் பழைய நினைவுகள் அவள் கொரியா சென்ற பின்பும் அவளை வாட்டி வதைக்கிறது. எவ்வளவு சோகம் வந்தாலும் சந்தோஷமாக தாங்கி கொண்டு புன்னகையுடன் சுற்றி திரிபவள் ஒரு கட்டத்தில் யுவான் அவளை விட்டு செல்லும் சூழ்நிலை உருவாகவும் முதன்முறையாக மனதளவில் உடைந்து போகிறாள். அவ்வளவு நாளும் அவன் பின்னால் நாய்க்குட்டி போல திரிந்தவள் தனக்கு இனி அவள் இல்லை என உணரும் தருணத்தில் யுவான் தன் காதலை உணர்கிறான். அவள் இல்லாமல் தன்னால் வாழ முடியாது என உணர்ந்தவன் அவன் காதலை அவளிடம் தெரிவிக்க அந்த சமயம் அதிதி திருப்பி யுவான் காதலை மறுக்கிறாள். இருவரும் மனதிற்கும், அறிவுக்கும், சூழ்நிலைக்கும் இடையே சிக்கி தவிக்கிறார்கள். இதற்கு இடையில் இவர்கள் இருவரும் காதலிக்கும் விஷயம் வெளியே அனைவருக்கும் தெரியவர கொரிய நாட்டின் பிரபலமான யுவான் ஒரு இந்திய பெண்ணை மணப்பதா? என எதிர்ப்புகள் சுற்றிலும் வலுக்கிறது. பின்பு அதிதி அவளது கேம் போட்டியில் எதிரியாக மாறிய ஆரோனால் பழிவாங்கும் நோக்கில் பலமாக தாக்கப்படுகிறாள்... இதில் இவள் இவை எல்லாவற்றையும் சமாளித்து தன் காதலை வென்று தன் லட்சியத்தையும் அடைந்தாளா என்பதே இந்த நாவலின் கரு.