காதல் தீயே | Kadhal Theeye | Author - Anisha

     சிறு வயதிலிருந்தே கோபத்தை மட்டும் பிரதான குணமாக கொண்டவன் நம் கதையின் நாயகன். அவனை ஒருதலையாக காதலிக்கிறாள் நம் கதையின் நாயகி . ஆனால் ஏற்கனவே நம் கதையின் நாயகன் ஒரு பெண்ணை காதலித்து அதில்  ஏமாற்றம் அடைந்து பெண் இனத்தையே அடியோடு வெறுக்கிறான். இந்நிலையில்  நாயகனின் தந்தை நாயகிக்கும் நாயகனுக்கும் திருமண ஏற்பாடு செய்கிறார். நாயகன் அவனின் தந்தைக்குத் தெரியாமல் நாயகியோடு ஒரு வருடத்திற்கு திருமண ஒப்பந்தம் செய்து கொள்கிறான் . திருமணம் முடிந்து நாயகனின் வீட்டுக்கு நாயகி வந்த பிறகு அவளுக்கு தலையில் இடி விழுவது போல் பெரும் அதிர்ச்சி ஒன்று காத்திருக்கிறது. செய்யாத தவறு ஒன்றை அவள் செய்ததாக சொல்லி அவளை நாயகன் பழிவாங்க துடிக்கிறான்.  அந்த தவறை நாயகி செய்யவில்லை என நிரூபித்து,  முதல் காதல் தோல்வியால் நாயகன் கொண்ட வலியை அவளின் காதலின் மூலம் தீர்த்து வைத்து அவனோடு இணைவாளா நம் நாயகி. .? தெரிந்து கொள்ள (((காதல் தீயே))) நாவலை படியுங்கள். 

The hero of our story is one who has only anger as his main trait since childhood. The heroine of our story is in love with him. But already the hero of our story has fallen in love with a girl and is disillusioned with her and hates the female race. In this case, the hero's father arranges the marriage of the hero and the heroine. Without his father's knowledge, the hero enters into a marriage contract with the heroine for a year.
After the marriage is over, the heroine comes to the hero's house and a big shock awaits her, like a thunderbolt falling on her head. The hero tries to take revenge on her by telling her that she did something wrong. Will our heroine prove that the heroine did not make that mistake and solve the pain of the hero due to the failure of the first love through her love and join him. .?


தொழில் அதிபர் அன்பு மணியின் ஒரே மகளான தீபா நம் கதையின் நாயகி . அவளுக்கு ஆபத்து இருப்பதால் அவளை ஒரு அனாதை பெண்ணாக வெளி உலகத்திற்கு காட்டிக்கொண்டு அனாதை ஆசிரமத்தில் தங்கி கல்லூரி ஒன்றில் அவள் படித்து வந்தாள். 

   அந்த  கல்லூரியில் நடந்த கல்லூரி தேர்தலில்    ரித்திகா என்னும் பணக்கார வீட்டுப் பெண்ணோடு தீபா போட்டி போட்டாள். அதில் தீபா வெற்றி பெற்றாள். இதனால்  ஏழைப் பெண்ணிடம் தோற்று விட்டதாக ரித்திகாவிற்கு கோவம் எழுகிறது. மற்ற மாணவர்களும் அவளை ஏழைப் பெண்ணிடம் தோற்றதாக சொல்லி அவமானப்படுத்தினார்கள் .

    தனக்கு அவமானத்தை ஏற்படுத்திக் கொடுத்த தீபாவை பழிவாங்க வேண்டும் என  ரித்திகா விரும்புகிறாள். அதற்கு வேண்டி  ராதிகா என்ற  பெயரில் முகநூல் கணக்கு ஒன்று தொடங்கினாள். அதில் தீபாவின் புகைப்படத்தை பதிவேற்றம் செய்கிறாள். அந்த முகநூல் கணக்கில் இருந்து ரித்திகாவின் தந்தையின்  நண்பருடைய மகனான தொழிலதிபர்  கார்த்திக்குடன் முக நூல் நட்பில்  அவள் இணைகிறாள் . 

     இருவரும் நேரில் சந்திக்காமல் முகநூலில் மட்டும் பேசி காதலிக்கிறார்கள். சில நாட்களுக்குப் பிறகு கார்த்திக்கின்  முகநூல் கணக்கை  பிளோக் செய்துவிட்டு ரித்திகா அந்த கணக்கை அப்படியே விட்டு விடுகிறார்.  அதன் பின்னர்  கார்த்திகை தீபா ஏமாற்றியதாக கருதி அவளை பழி வாங்க அவன் துடிக்கிறான்.

    இரண்டு வருடங்களுக்கு பிறகு கார்த்திக் மற்றும் தீபாவை   திருமண பந்தத்தில் விதி இணைகிறது .   தனது புகைப்படத்தை வைத்து ரித்திகா செய்த செயலை தெரியாமல் அவளின் இதயம்  அவனோடு சேர்ந்து வாழ துடிக்கிறது. திருமணத்திற்கு பிறகு   தீபாவை பழிவாங்குவதாக கருதி பல கொடுமைகள் அவன் செய்கின்றான்.  

     கார்த்திக்கிடம்  அவள் அன்பை செலுத்த செலுத்த அதை அவன் உதாசீனம் செய்கிறான். அதன் காரணம் அவள் கேட்கும் போது முகநூல் மூலம் காதலித்து என்னை ஏமாற்றிய நீ இப்போது அன்பு காட்டுவது போல் நடிக்க வேண்டாம் என சொல்லி அவள் மீது எரிந்து விழுகிறான்.  அதைக் கேட்டு அவள் அதிர்ந்து போகிறாள்.  என் புகைப்படத்தை வைத்து யார் இப்படி செய்திருப்பார்கள் என அவள் எண்ணுகிறாள். அந்த நேரம் பார்த்து ரித்திகாவிற்கு கார்த்திக்கின் ஒரே தம்பியான கதிருடன் திருமணம் நடக்கின்றது. தன் புகைப்படம் வைத்து தவறு செய்தது ரித்திகா என தெரிந்தும் அதை சொல்ல முடியாமல் அவள் தவிக்கிறாள். 

     ஒருகட்டத்தில்  தன்னோடு முகநூலில் பேசியது தீபா இல்லை என கார்த்திக் தெரிந்து கொள்கிறான். அந்நேரம் பார்த்து தீபாவை ஆபத்து நெருங்குகிறது.  அதிலிருந்து அவளை காப்பாற்றிய பிறகு அவளோடு அவன்  இணைகிறான். 