சினிமாவுக்குச் சென்ற | Cinemavukku Sendra | Author - Nadarajan G Ramasamy

Ch 57 - மாற்று வழி..!

Ch 41 - ஒரு நாயகி உதயம்.......!

Ch 55 - மைதிலி..!

Ch 46 - மீண்டும் நண்பர்கள்

Ch 54 - அந்தமான் பயணம்...!

Ch 53 - சுஜா, திரிகா.ஆசை...!  

Ch 52 - பாபு - மைதிலி நட்பு.....!

Ch 40 - மல்லிகாவிற்கு மரண ஓலை...! 

Ch 51 - மைதிலி.....!

Ch 39 -                     இயக்குனர் பாலாமணியின் திட்டம்..!!

Ch 44 - விபத்தில்லா விபத்து...!

Ch 45 - பாபு பாவம்...!

Ch 56 - அருணின் அதிரடி...! 

Ch 48 - திறமையின் வெளிப்பாடு...!

Ch 42 - தவிப்பு - தத்தளிப்பு !

Ch 47 - மாயமான் வேட்டை!

Ch 50 - ஆபிஸ் பாய்...!!

Ch 49 -                   நடிகன் அருணுடன் சந்திப்பு...

Ch 43 - சதித்திட்டம்...!!

' சினிமாவுக்குப் போன சித்தாளு ! ' - ஜெயகாந்தனின் வைர வரிகள். 
இந்தத் தலைப்பைத் தொடுவதற்கே எனக்கு கூச்சமாகவும், அச்சமாகவும்தான் இருந்தது. ஆனாலும் எப்படி யோசித்தும்  என் கதைக்கு இந்தத் தலைப்புதான் வெகு பொருத்தமாக இருந்தது. இருந்தாலும் எனக்கு அதை அப்படியேப் பயன்படுத்த விருப்பமில்லை. அதனால்….. ' சினிமாவுக்குச் சென்ற….. '    என்று தொட்டு வைத்திருக்கிறேன். 
மேலும் மொழிகளின் வார்த்தைகள் எவருக்கும், எதற்கும், எந்த காலத்திலும் சொந்தமானதில்லை. 
குறிப்பாய் ' அப்பா ! ' என்கிற தலைப்பில் எத்தனையோ பேர்கள் சிறுகதைகள்  எழுதி இருக்கிறார்கள். நானும் எழுதி இருக்கிறேன். 
அதனால் ' சினிமாவிற்குச் சென்ற… ! '  தலைப்பு எனக்கு உறுத்தவில்லை, வலிக்கவில்லை. 
உறுத்தியவர்கள், வருத்தியவர்கள் மன்னிக்கவும். ! 
நிற்க....
ஏழை எளிய மக்கள் திரை அரங்கிற்கு வந்து  ரசித்துப் பார்த்தால்தான் படம் . கலைஞன், நடிகன் நிலைத்து நிற்பான். ! இன்றைக்கு அது மாறி சினிமா ' டிஜிட்டல் ' வடிவிற்குச் சென்று ' ஒரு சாதாரண சாமானியன் ‘ உட்கார்ந்து பார்க்க முடியாத உச்சாணிக் கொம்பு அளவிற்குச் சென்று படம் ஒரு நாள் கூட ஓட முடியாத அளவிற்கு வலுவிழந்து அதன் உடல் நலம் குன்றி விட்டது. இருந்தாலும் சினிமா வாய்ப்புகள் தேடி இன்றைக்கும் ஆர்வமுள்ள இளைஞர்கள், இளைஞிகள் சென்னைக்குப் படை எடுக்கத்தான் செய்கிறார்கள். அவரவர் வழிகளில் முயல்கிறார்கள் , முன்னேறுகிறார்கள். 
பணம் படைத்தவர்கள்தான் தயாரிப்பு, நடிப்பு, இயக்கம் என்று எதைப் பற்றியும் கவலைப்படாமல்   சுலபமாக நுழைந்து சிறு பிள்ளைகள் படம் பார்த்து கதைகள் சொல்வது மாதிரி படம் பார்த்து படம் செய்து லாபம், நட்டம் அடைகிறார்கள். 
இந்த வலு இல்லாத சினிமா ஆர்வளர்கள் திரைப்படக் கல்லூரிகளில் சேர்ந்தும், சேராமலும்  கோலிவுட், பாலிவுட் எங்கும் வாய்ப்புகள் தேடி அலைகிறார்கள். 
எந்த வசதி, பின்புலம் இல்லாமல் ஆர்வத்தில் சென்னைக்கு வந்து சினிமாவில் புக அவன் படும் கஷ்ட நட்டங்கள்தான் கதை. 
நான் பார்த்தது, படித்தது, பிறர் சொல்லக் கேட்டது, அனுபவித்தவைகளைக் கொண்டு எவர் மனதும் புண்படாதவாறு கற்பனைக் கலந்து எழுதி இருக்கிறேன். நிச்சயமாய் இது எவர் சரித்திரம், கதையும் கிடையாது. எல்லாம் கலந்த என் கற்பனைக் கதை. 
இத்துறையைப் பற்றி நிறைய எழுத்தாளர்கள் எழுதி இருக்கிறார்கள். இன்னும் எழுதலாம், எழுதிக்கொண்டும் இருக்கலாம். அவ்வளவு ஆழம் செல்லவெல்லாம் எனக்கு விருப்பமில்லை. காரணம்...அவமானங்கள், அருவருக்கத்தக்க விசயங்கள் எல்லாம் அதிகம் இருக்கும். ஆகவே..... குறைத்துச் சொல்லி இருக்கிறேன். 

தெரிந்துகொள்ள வாசியுங்கள் பாக்கெட் நாவலில்...
